Lesakako Udalak , 2025eko azaroaren 12an, Albistur kaleko zoladura eta azpiegitura-sareak berritzeko proiektua aurkeztu zuen Udaleko Pleno Aretoan. Bertan parte hartu zuten Krean S.COOP-ek eta Sasoi Eraikuntzak-ek, proiektuaren xehetasunak eta egutegia azaltzeko. 

Proiektuaren edukiak 

Albistur kalean zoladura osoa berrituko da, eta euri-uren, ur zikin eta horniduraren sareak eguneratuko dira. 

Sareak berritzearekin batera, infraestrukturetan hobekuntza lanak ere eginen dira. 

Obrek 5 hilabeteko iraupena izango dute, eta haietatik 4 hilabete trafikoan eragina izango dute. 

Era berean, obra honi esker, Albisturren espaloiak sortuko dira, herritarrek oinez lasai eta segurtasunez ibiltzeko aukera gehiago izan dezaten, herriko mugikortasunean aurrerapausoak emanez. 

Aparkaleku alternatiboak 

Obrek irauten duten bitartean, herritarrei aparkatzeko aukerak bermatzeko, Landazelaitan aparkaleku haundi bat sortuko da. 

Mugikortasunari buruzko gomendioak: 

Saioan honakoak azpimarratu ziren: 

• Herrikomugimenduak oinez edo bizikletaz egitea. 
• Autoabeharrezkoa denean soilik erabiltzea. 
• Landazelaietakoaparkalekua lehenestea. 
• Eskola-ibilbideakHezkuntza Foroarekin koordinatuta lantzen jarraitzea. 

Trafikoaren antolaketa berria 

• Autoentzakosarrera eta irteera Antoiutik eginen da, semaforo baten bidez. 
• Otekalea, Arretxea, Zarandia eta Frain auzoko bizilagunek Elizagibela kaletik atera beharko dute obrek dirauten bitartean. 

Kostua eta finantzaketa 

• Proiektuaren kostu osoa: 967.406,25 € 
• Jasotako dirulaguntzak: 631.537,92 € 
• Udalak bere gain hartzen du: 345.657,57 € 

Informazio gehigarria 

Proiektuaren planoak www.lesaka.eus helbidean egongo dira ikusgai datozen egunetan. 

Lesakako Udalak atzoko aurkezpenean parte hartu zuten herritarren interesa eta parte-hartzea eskertu nahi du. Udalak informazioa gardentasunez partekatzen jarraituko du, obraren bilakaeraren inguruko berriak emanez.