LEITU (Udazken ed.) Lesakako irakurketa zikloa

Leitu Lesakako irakurketa zikloa da, aurten bigarren edizioa duena, eta herrian irakurketa sustatzea eta ospatzea du helburu hainbat ekitaldi eta jarduerekin:

• Urriaren 1etik 17ra MO: Behi euskaldun baten memoriak erakusketa didaktikoa izanen dugu liburutegian, liburuko ilustrazioekin osatua, Karrikiri elkartea eta Pamiela argitaletxeari esker.
• Urriaren 24an, Liburutegien Nazioarteko Egunaren ospakizunen baitan, Manuel Martorell idazleak Kurdistani buruzko hitzaldia emanen du (gaztelaniaz).
• Urriaren 29an Fernando Mikelarena historialariak bere azkeneko liburua aurkeztuko du, “Ideología identitaria de los vencedores: Eladio Esparza, Diario de Navarra y navarrismo foralcatólico” (elebitan).
• Urriaren 31n Gau Beltza ospatuko dugu Maite Frankorekin eta bere ipuin kontaketa bereziarekin Lesakako Liburutegian.
• Ezin aipatu gabe utzi irakurketa ardatz duten jarduera hauen artean Mintzoan kux kux egitasmoaren inguruan ditugun irakurketa kluba eta Motxila ibiltaria proiektuak, zeinetan familiak, herriko ikastetxeak eta Liburutegi Publikoa lotzen baitituzte.

Hortaz, urrian, Lesakan, LEITU, ospatu eta gozatu irakurketarekin.