Aurten, urriaren 24an, Liburutegien Nazioarteko Egunean, Lesakako Liburutegi Publikoak 10 urte beteko ditu Harriondoa kultur etxean eta, hori dela-eta, jarduera eta ekitaldi bereziak izanen ditugu urte osoan zehar urteurren borobila ospatzeko.

Lehenengo seihilekoan paratu dugun egitaraua honako hau da:

• Itzalen tektonika / Itxaro Borda eta Joseba Irazoki.                 2026/01/22 – 19:00

Errezitaldi poetiko musikatua.

• SPAM-01 / Amaya Suberviola.                 2026/01/23 – 18:00

Artistarekin topaketa.

• Asesinato en la conspiración / Fernando Mikelarena.                 2026/01/29 – 18:30

Liburu aurkezpena.

• Txilarreko sukaldaria.                 2026/02/05 – 18:30

Dokumental eta liburu aurkezpena.

• Hezur berriak / Ane Labaka.                 2026/02/07 – 11:30

Liburu aurkezpena, Xulufrinaken eskutik.

• Euri beroak / Iban Garro.                 2026/02/26 – 18:30

Liburu aurkezpena.

•  Literatura eta feminismoa / Iratxe Retolaza.                 2026/03/10 – 18:30

Hitzaldia.

• Etxean / Dom Campistron. 2026/03/11 – 17:30

Liburu aurkezpena, drag emanaldia (8 urtetik goiti).

• CompArtiendo / LiterArte.                                                                2026/03/12 – 18:30

Antzerkia.

•  Beste zerbait / Danele Sarriugarte.                 2026/04/22 – 18:00

Liburu aurkezpena (Literatura geraldiak).

• Bichta éder / Eneko Bidegain.                                                                2026/04/23 – 18:30

Solasaldia egilearekin.

• Inés Bengoa / Ipuin kontalaria.                 2026/04/24 – 17:30

Ipuin kontaketa.

•  Susana Rodríguez Lezaun / Literatura beltza Nafarroan. 2026/05/28 – 18:30

Hitzaldia.

Udatik bueltan ospakizunekin jarraituko dugu, adi egon!

Bertzalde, Lesakako haurren irakurzaletasuna sustatu aldera, dagoeneko abian ditugun Motxila ibiltaria ekimena (3-5 urte) eta Mintzoan kux kux irakurle kluba (6-8 urte) egitasmoez gain, 9-12 urteko haurrentzat Lesakako Gaztetxoen Irakurle Klub berria (LGIK) abiaraziko dugu Xabi Salaberria gidariaren eskutik.