MAITE DITUT MAITE

Maite ditut liburu txikiak; eta handiak ere bai.

Maite ditut animaliei buruzko ipuinak; eta pertsonei buruz ari direnak ere bai.

Maite ditut liburu txuri beltzak; eta koloretakoak ere bai.

Maite ditut lagunek idatzitako liburuak; eta ezezagunek idatzitakoak ere bai.

Maite ditut euskaraz idatzitako liburuak; eta beste hizkuntza batzuetan idatzitakoak ere bai.

Maite ditut nire txikitako liburuak; eta azkena etxera sartu direnak ere bai.

Liburuen barruan kabitzen direlako maite ditugun mundu posible guztiak.

Zain daude, guk noiz ireki, barruan dituzten istorioak hegan egin dezaten.