Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.

Turismo Bulegoa eta Burdinaren Etxea

Lesakako udalak, herriko, zonaldeko eta inguruko informazio guziarekin eta bizilagun, turista eta bisitari guziei zuzendua, informazio zerbitzua eskeintzen du urte guztian zehar. Gela berdinean, Burdinaren Museoa ere bisitatu daiteke.

  • Aste Santutik uda bukaera arte

Helbidea: Komentu kalea 1 (Harriondoa Kultur Etxearen ondoan)

Telefonoa: 948 637 005 / 690 230 031

kultura@lesaka.eus

udala@lesaka.eus

 

OIHANEAN SENTITU, BIDEAK BERTZE IPUIN

“Oihanean Sentitu, bideak bertze ipuin” Baztan Bidasoa Turismo Elkarteak, hainbat udaletxeen laguntzarekin, pasa den uda honetan martxan jarri duen proiektua da. Bertan, zonaldeko herri bakoitzak ibilbide bat proposatzen du, 13 guztira, bakoitza dagokion ipuinarekin. Ibilbide errazak dira familiarekin, bikotearekin, lagunekin edota bakarrik egiteko, 4km-tik beherakoak eta desnibel baxuarekin. Ideia ibilbide hauek egitea eta puntu konkretu batean bakoitzari dagokion ipuina (kulturan, mitologian, tradizioetan… oinarrituta) irakurtzea da.

Liburuxkak Lesakako turismo bulegoan salgai daude 2€-ren truke. Euskaraz eta gazteleraz eskuragarri daude. Liburuxkaren bertsio digitala hurrengo estekan klik eginda deskargatu dezakezue: https://baztan-bidasoa.com/eu/oihanean-sentitu-bideak-bertze-ipuin/

Esperientzia interesgarria izanen zaizuelakoan, ongi ibili!

BURDINAREN ETXEA

Lesaka eta burdina eskutik hartuta batera joan dira gure historian zehar. Horren adibide dira esaterako herrian barna aurkitzen ditugun iturriak, zubiak eta arkitektura-baliabide ezberdinak. Honela, Lesaka herria bera, Burdinaren Etxearen osagarri den museo batean bihurtu da.

Antzina, burdinaren jatorria jainkoetan eta kondairetako pertsonaietan kokatzen zen. Hala ere, gizakiak eta batez ere lesakarrek baliabide natural hau ederki aprobetxatu eta erabili dute historian zehar. Izan ere, burdinolek eta lantegi siderurgikoek herriaren garapenean funtsezko papera bete dute.

Mineral hauek izan duten balorea gogora ekartzeko eta herriaren memoria eta izan duen bizimodua babesteko eta defendatzeko, burdinean oinarritzen den erakusketa hau bisitagarri dago Lesakan, turismo bulegoan, antzinako komentuan.