Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.

Lesakako Abesbatza

Lesakako Musika Elkarteak

1982. urtean sortu zen, lehenagotik zegoen parrokiako abesbatzaren eskutik. Orduz geroztik, eta erlijio-musikaz aparte, errepertorioa hornitu du hainbat estilotako musikarekin, baina euskal folklorea nagusi izan da beti.
 
Lesakatik kanpo, Abesbatzaren lehenbiziko emanaldia 1984. urtean izan zen, Oñatin. Handik aitzinera, Lesaka izena Euskal Herrian barna eraman du (Basauri, Gasteiz, Burlata, Azkaine, Hendaia, Cintruenigo eta abar). Hona hemen emanaldi aipagarrienak: Iruñeko Katedralekoa eta Gaiarre Antzokikoa; Miarritzeko Auditorioa ireki zenekoa; Aita Donostiaren omenez egindakoa, Musika Hamabostaldiak Donostian antolatu zuen hartan; Xabierko Auditoriokoa, Frantzisko Xabierkoa jaio zeneko V. Mendeurrena zela eta; eta Irungo Amaia Kultur Etxekoa, Bidasoko Abesbatzen Jaialdietan. Horiek denak, baina bertze batzuk ere badira aipatzekoak, hala nola, Kuenka, Errioxa, Burgos, Kantabriakoa …
 
Lesakako Abesbatza herriko kultura munduko partaide gogotsua da, Parrokiako ekitaldi guztietan hartzen du parte (besta eta jaiak, ezkontzak, hiletak, …), ekitaldi herrikoietan eta Lesakako musika munduko bertze taldeekin elkarlanean beti.
 
Gaur egun, 34 lagunek osatzen dute abesbatza, eta den-denak Lesakan jaio edo bizi direnak dira;  Marisol Pérez Olaetxea da zuzendaria eta Maider Goizueta Sarratea haren laguntzaile.

@: lesakakoabesbatza@gmail.com

web: Lesakako Abesbatza