Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.

Lesakako Abesbatza 40. urteurrena

2022ko abenduak 18 | 11:30

Torseko San Martin Eliza

Aurten, 2022an, Lesakako Abesbatzak bere 40. urteurrena ospatuko du abenduaren 18an, Lesakako elizan, meza batekin (11:30ean) eta ondoren, kontzertu batekin. Abesbatzak bere historian zehar ibilbide bat egingo du 1982an sortu zenetik, bere errepertorioko obra garrantzitsuak interpretatuz, hala nola Perossiren meza (San Fermin), Madinaren Aita Gurea edo Casimiriren Libera me, hildako kideen oroimenez. Kontzertuan 40 urte hauetan abestu dituen abesti herrikoi ezberdinak sartuko dira.

Lesakako Abesbatzaren lehen kontzertua Santa Zezilian izan zen, 1982an. Ordutik, Lesaka izena eraman du Euskal Herri osoan zehar, eta Basaurin, Gasteizen, Burlatan, Askainen, Hendaian, Iruñeko Gayarre antzokian eta katedralean, Erronkarin, Zumarragan, Miranda Argan, Aiegin, Biarritzen, Lizarran, Baztanen eta Bortzirietan … abestu du, eta hortik kanpo, Cuencan, Kantabrian, Toledon, Burgosen, Errioxan, Salamancan eta abar.

Lesakako Abesbatzak aktiboki parte hartzen du herriko kultur bizitzan, Parrokiarekin elkarlanean, ekitaldi herrikoietan eta Lesakako bertze musika talde batzuekin batera ekitaldiak antolatzen.
Gaur egun 38 koralistek osatzen dute abesbatza, guztiak Lesakan jaio edo bizi direnak; zuzendaria Marisol Pérez Olaetxea da, Maider Goizueta Sarratearen laguntzarekin.