Lesakako Udala

EASO ABESBATZA MISTOA

2006 urtean sortua, Easo Emakumeen Abesbatzaren ahotsek eta Easo Abesbatzaren ahots grabeek osatua da. Batzuek eta besteek ibilbide zabala eta frogatua egina dute eta bildu egiten dira Easo Abesbatza Mistoan, talde mistoentzat bereziki konposatuak diren opera, kamera-musika eta obra sinfoniko-koralen errepertorioa lantzeko.

Abesbatzak maiz parte hartu du Donostiako Musika Hamabostaldiaren opera ekoizpenetan: Iolanta (P.I. Tchaikovsky), Bahiketa harenean, Txirula Magikoa eta Figaroren ezteiak (W.A. Mozart), La Traviata (G. Verdi), Tosca eta Madama Butterfly (G. Puccini), Mendi-Mendiyan (J.M. Usandizaga). Toulouseko Kapitolioko Orkestra Nazionalaren abonu sasoiko P. I. Tchaikovskyren Eugene Onegin eta Pariseko Pleyel Aretoan 2010. urteko sasoian parte hartu du. Madrilgo Zarzuela Antzokiak ekoiztutako hainbat zarzueletan ere parte hartu du.

Guzti honek, abesbatzari izen handiko hainbat orkestrekin lan egiteko aukera eman dio: Toulouseko Kapitolioko Orkestra Nazionala, Euskadiko Orkestra Sinfonikoa, Bilboko Orkestra Sinfonikoa edo Balearetako Orkestra. Abesbatzarekin batera aritu diren zuzendarien artean daude Tugan Sokhiev, Leopold Hager, Günter Neuhold, Pietro Rizzo, M. A. Gómez Martínez, Antoni Ros-Marbà, Yi-Chen Lin edo Giuseppe Finzi, besteak beste.

Bere errepertorio askotarikoa izaki, osaketa berezia duten kontzertuetan parte hartu du, hala nola 54. Donostiako Jazzaldian, Eri Yamamoto Trioarekin batera “Goshu Ondo Suite” Europan lehen aldiz interpretatuz, eta baita Gorka Hermosa konpositorearen “Urretxutik Mundura” suite sinfoniko-koralaren erabateko estreinaldian.

Zuzendaria: Gorka Miranda.

Oscar CANDENDO ZABALA organo espezialitateko irakaslea da ESMACen (Escola Superior de Musica de Catalunya) eta Donostiako Artzain Onaren parrokiako organista. Era berean, Easo Abesbatzarekin kolaboratzen du duela hiru hamarkadatik.

Donostiako kontserbatorioan egin zituen pianoko, klabikonbaloko eta ganbera-musikako goi-mailako ikasketak. Baiona eta Paueko (Frantzia) kontserbatorioetan organo ikasketak egin zituen Bernadette CARRAU eta Jesús MARTÍN MOROrekin hurrenez hurren. Tolosako Ecole d ‘Etudes Musicales Superieures eskolan ikasten jarraitzen du Michel BOUVARD eta Jan Willem JANSEN irakasle iraunkorrekin eta hainbat maisu gonbidaturekin: J. BOYER, J. P. LEGUAY,
L. LOHMANN, MORONEY eta S. SZATHMÁRY, besteak beste. Bartzelonan Montserrat TORRENT eta Stuttgarteko Staatliche Hochschule für Musik und Darstellende Kunst eta Bernhard HAAS taldeekin osatu zuen bere heziketa.

1992an Sevillan ospatutako Musika Gazteen Lehiaketa Iraunkorrean Lehen Saria lortu zuen. Hurrengo urtean, Andres Segovia eta J. M. Ruiz Morales Saria eman zioten Santiagoko Musika Espainiarraren XXXVI. Nazioarteko Unibertsitate Ikastaroan.

Europan errezitaldi ugari eskaini ditu: Orgelkonzerte Dom zu Salzburg, Internationale Orgeltage Kevelaer, Domorgelkonzerte Sankt Gallen, Orgues d ‘été à Bordeaux, Lisboako Nazioarteko Orgao Jaialdia, Granadako Musika eta Dantza Jaialdia, Donostiako Musika Hamabostaldia, Cicle d’ Orgue al Palau, Madrilgo Katedraleko Nazioarteko Zinemaldia. Bakarlari gisa aritu da Euskadiko Orkestra Sinfonikoarekin.
Musikologian doktorea da Valladolideko Unibertsitatean. Bere doktore tesia Vicente GOICOECHEA ERRASTI (1854-1916) musika erlijiosoaren arabar konpositoreaz arduratzen da.

Françoise CLASTIERrekin batera, « Órganos Franceses en el País Vasco y Navarra (1850-1925) » azterlanaren egileetako bat da, hasiera batean Orgues Meridionales de Toulouse aldizkarian argitaratua, eta geroago Eusko Ikaskuntzaren Cuadernos de Sección (Musika) liburuan — zuzendua eta handitua —:

Anthologia Sacra lanaren edizioa koordinatu du, Vicente GOICOECHEAren obraren bilduma, duela gutxi Ficta edicions i produccions-ek argitaratutako zazpi liburukitan.